شباب وشابات اليوم

ياااخي وش اقول وش احتسي بس !! والله العظيم أثلجوا ضلوعي !! =>>> هي مب أثلجوا صدري؟ خخخ

دخلت منتدى الجامعه وقعدت احوس في قسم الاداب...دخلت موضوع...وماشدني فيه اكثر شي الا توبكات الاعضاء والعضوات. إما النك نيم او التوبك. تلقى كلمات رائعه يكتبها الكثير منهم مثل: "يارب يسر أمري" و "يارب اسعدني بالدنيا والاخرة" وكثثثثير ادعيه تحسسك بإن فيه شباب وشابات ماشا الله عليهم قريبين من ربي كثير..وانا مو بس انبسط اذا شفت كلام زي كذا !! اتشقق واطيررررر واحس براحه نفسيه انه فيه ناس كويسين بالدنيا.

كمان فيه شي ثاني: العدل وقول الحق شفته كثيرررر في البنات من خلال تعليقاتهم في دكتورات درسوهم، بالرغم من علامة الـ D أو حتى علامة الـ F اللي ياخذونها، تلقونهم مايقولون في الدكتورة الا الحق ! والصدق وبس.

الصدق في القول، من أطيب الاعمال. صاحب هذه الخصله يسمونه " أمين". ومين مايحب يقتدي بالرسول "الامين" اللهم صلي وسلم عليه؟
___________________________________
جامعة الملك سعود، بطلابها وطالباتها، احب اقول لكم: انا كلي فخر اني منكم وفيكم! والله يكثر من أمثال طلابكم وطالباتكم اللي فيهم مثل هذه الخصال الطيبة.

وخلصت الاجازة :)

الاجازة هذه فعلا فعلا نعمة بكل ماللكلمة من معنى !! =>> خخخخخ

مع انها قصيرة ومرت بسرعه وماسافرنا اي مكان رغم التخطيطات، بس مره ارتحت من الضغوط اللي كانت علي بسبب الاختبارات.

احلا يوم في الاجازة هو اليوم !! يوم الخميس اللي هو قبل يوم الجمعه اللي هو اخر يوم قبل الدراسه :) =>>> يووه انواع القلق خخخ

بس اليوم كل الناس طلعوا يتمشون ويشترون اغراض المدارس ووو الخ ولكن انا الوحيده اللي اختارت تقعد في البيت :) أونس قرار قررته في هالاجازة...شفت اليوم 3 افلام واحد منهم شفته قبل بس مررره حلو وكللهم حلوين مررره. وكلهم من النوع المفضل لدي واللي هو الكوميدي الرومانسي :)

صار لي اليوم بالنهار موقف مرعب...اكتشفت اني متأثره بالافلام خخخخخخخخخخخخ باين من تفاعلي مع الموقف اني متأثرة بالافلام اللي اشوفها مررررررررررررررررررررره هههههههه =>>>تنقد على نفسها :)

الموقف هو: اليوم اول ماقمت اكتشفت انه مافي موية في البيت ولا ادري وش المشكلة بس دايم الخزان عندنا يفضى من فتره لفتره...الله يكرمكم لمن دخلت الباثروم :) رحت اشيك على الدش بشوف اذا فيه مويه ولمن شفته انه مافي مويه تركته مفتوح و رميت الدش في البانيو على اساس انه مايرش موية اساسا. المهم مر الوقت بعدها "طول النهار لاحظوا" يعني حوالي 4 ساعات =>>>هذا طول النهار خخخخ يعني اقصد طول النهار اللي كنت صاحيه فيه من النوم (اقوم متأخر) ! بعد 4 ساعات تقريبا دخلت الباثروم وماشفت الا نافورة موية!!

قلبي طاح في كراعيني :( خصوصا ان هالنافورة تنطلق باتجاه السخان والكهرب ! تعرفون جتني الرجفه بس الحلو فيني ما اصارخ ابد. رحت على طول صكرت الدش وانتبهت اني حافيه Yuuuuuuk خخخخخ

__________________________________

مع اني ماحب برنامج اميركان ايدول بس اليوم جت فتره ماطلع شي ع التلفزيون فقلت خليني اجل اشوفه: اعجبني اكثر شي تعليق سايمون على اثنين من المتسابقين " اللي انا بصراحه اعجبني صوتهم" ...قال لهم: " انتوا تبون تنجحون؟ لازم تقدمون شي مستحيل الناس ينسونه!" بمعنى انه الواحد اذا يبي يسلك طريق في حياته أيا كان هذا الطريق، لازم يشد حيله قد مايقدر ويبهر الناس كلهم في أدائه عشان يصير أدائه حاجه مستحيل الناس ينسونه! You have to make it unforgetable

From my so broken heart

It is this way: one night you feel miserable and depressed..you feel kinda wanna desappear! The next morning you simply feel the opposite; you realize that you must keep on going as long as the sun shine through in your room

++++++++++++++++++++++++++

As long as I work and see the results; i'm happy !! As long as my family and love ones are happy; then my job is done

++++++++++++++++++++++++

We are on this planet for the purposes of worshipping God, then, do good things for ourselves and other people

++++++++++++++++++++++++

الترجمـــــــــــــــــــــــــــــــــــــــــــــــة:

• إنما الحال كذلك: في إحدى الليالي تشعر بإنك تعيس ومحبط وتتمنى لو تختفي من على وجه هذه الارض ! ولكن في الصباح الباكر يحدث العكس وتستوعب بإنه يجب عليك الاستمرار طالما لاتزال أشعة الشمس تنير غرفتك!
• طالما أنني أرى حصيلة تعبي ومجهودي رغم صعوبة العمل، فأنا سعيدة! طالما أهلي وأحبابي سعداء، فقد انتهى واجبي!
• نحن هنا على هذا الكوكب لنعبد الله كما ينبغى لجلاله، ثم لنعامل أنفسنا وغيرنا من البشر بالحسنى.

______________________________

شاركوني أفراحي!!

لو أبي أوصف لكم سعادتي هاليومين ماراح أقدر!

ربي أنعم علي "دفعه واحده" خلال يومين..حيث ان يوم الاربعا هو يوم ميلادي الـ 20 احم احم =>>> احيانا ودي انسى خخخخخ

والنعمة الثانيه هي نتائجي ولله الحمد نااااجحة ابشركم !! واجتمعوا هالشيئين في يوم واحد..لكن ما قدرنا نحتفل أمس..فقررنا نؤجلها لليوم..

عاد اليوم انواااع الوناسه أحس اني في حلم..ماني مصدقه انه رغم كل اللي مريت فيه هذاني واقفة انفخ شمعتي والناس يصوروني ويحتفلون معي !! اهلي كللهم اجتمعوا "عائلتي فقط طبعا" وكلنا صورنا سوا وقعدنا نستهبل وبصراحه مرره كان وناسة!

الغريب انه كل العائلة الكريمة خلال هالاسبوع قدموا لي هدايا وفاجئوني كثير..حتى ان ولد خالي أهداني منتدى مصممه بنفسه خخخ

ياناس احبهم ربي يخليهم لي وه بس =>>> ذابت الاخت من الدلع خخخ

________________________________________________

قاعده اشيك على آراء الناس في دكاترة جامعتنا..كلما مريت على اسم إلا ما ألقى احد ذمه في شي معين..مافي دكتور كامل -ووجه الله الكامل- إلا استاذه "رنا أبو حسان" ..استاذه رنا عمري ماشفت لا دكتورة ولا "انسانة" زيك..وان كاني شايفة..فإنتي وإياهم من النوااادر.

نحلم بالنهايات الجميلة رغم أنانيتنا ببداياتنا الخلابة :(

خلينا نعطي الحياه فرصه

ادري اني صايرة هالايام سلبيه وحزني احيانا واضح في كلماتي اللي انثرها هنا وهناك على هذه المدونة..احيانا ودي اسحب مواضيعي كلها اللي تبين مشاعري هنا..بس احس وش الفايده؟ وش الفايده اذا كان الهدف اساسا هو طرح افكاري والتعبير عن مشاعري خلال هذه المدونة! لكن المشكلة اني هالترم بالذات متحطمه نفسيا بسبب اشياء كثير حصلت معاي هالفتره..بس اتوقع ان شا الله انها فتره وتعدي مثلها مثل اللي قبلها مو؟ مافي شي يبقى على حاله مثلما يقولون.

عموما موضوعي هو "خلينا نعطي الحياه فرصه" حتى اني خليته توبكي في المسن..رغم اني للآن أشعر بالحزن والخوف والفراغ..وكلها للأسف بسبب شي واحد..إلا أنني دايم ولله الحمد بفضل من الله محظوظة بالايام الحلوة اللي تتخلل كآبتي. احيانا من اقوم من النوم احس انه اليوم بيكون يوم حلو مع اني لسه ماجربته؟خخخخ بس هذا الشي ألهمني لكتابة موضوعي:

الحياه اساسا هي كذا..لازم كل فتره وفتره يجرب الانسان فيها بعض المصاعب والازمات سواء النفسيه او العاطفيه او الماديه وغيرها واحيانا تجي كلها دفعه واحده..بس الحلو فيها انها تروح مره واحده :)

بس لابد الانسان..انه يتفكر في الكون..وفي ابداع خالق الكون..ويسأل نفسه: الرب اللي أبدع في خلق السماء..ولونها بألوان خلابه على اختلاف الاوقات"نهار ليل شروق غروب..الخ" ورسم عليها الغيوم بأشكال غريبه وابداعيه..وزخرفها بالنجوم البراقه..الرب اللي سوا كل هذا..هل يعقل انه غير قادر على شفاء جروحنا؟؟ والجواب هو: "حتما هو قادر سبحانه القادر على كل شي" !!

لنفرض انك كنت امس مبسوط لآخر درجه..بس اليوم عندك مشكلة وتواجه ازمة نفسيه وتحس باكتئاب وان الدنيا شوي وتنهار فوق راسك..وتقول آآخ لو يكون اليوم مثل امس! مافكرت انه فيه شي فريد في هالسالفه؟ انه مثلما تغير حالك من امس لليوم..انه ممكن كمان بكرا يتغير حالك؟ وتصير افضل ؟ وش اللي يثبت لي بدليل قاطع انه بكرا بيكون نفس اليوم؟!

اللحظات الحلوة بحياتنا..ترى احنا نقدر نكونها..نقدر نسويها..نقدر نتمناها ونقدر نخليها تتحقق!

فرضا: اذا كان لديك صديق مقرب..واشغلتك الحياه عنه..واشغلته عنك..وودك تخلق لحظة حلوة بحياتك؟ ممكن مثلا تفاجئه بهدية وتسوي شي ممتع معاه وتطلعون لقضاء يوم كامل سوا..او حتى تعزمه على غداء!

او اذا كانت علاقتك مع اهلك شوي ضعيفه..الكل في البيت منشغل ولاهي بشغله..وودك تكوّن لحظة حلوة بحياتك؟ ممكن تفاجيء امك بقبله على رأسها..وترمي ورده على حضنها..وتهمس بإذنها دعوة "الله يطول بعمرك"..اصلا شوف الدعاوي اللي بتجيك منها..وشوف الاجر العظيم من ربي..وممكن تعزم اهلك على عشاء..او تفاجئهم في البيت بعشاء طلبيه..وتلمهم كلهم على السفره! يعني من جد ياناس ترانا احنا نقدر نخلق لحظاتنا الخاصه والحلوة في حياتنا مع احبابنا واصحابنا!!

اذا حسيت بالفراغ..لازم تملأ وقتك باللحظات الحلوة..سوي اي شي fun اي شي ممتع !! ويكون أمتع اكثر لو كان مع شخص تحبه..

اما بالنسبه للفراغ العاطفي..فما أدري وش الحل له؟ بس عموما لازم تملأ فراغك بكل شي مفيد وممتع بشرط ألا يكون طبعا محرم او من هذا القبيل خخخ =>>اهم شي اخر جمله هههههههههه

واذا حسيت بالحزن..فاسأل مجرب..انا لو قعدت طول الوقت في غرفتي افكر في الناس اللي افتقدهم او في السبب اللي خلاني أحس بالحزن أيا كان..كان صدق ماقدرت أتغلب على حزني..مع اني للآن ماتغلبت..بس فيه فرق كبير لمن تكون حزين وقاعد مع ناس..وحزين وصاك على عمره في غرفته خخخخ الثاني طبعا أشد وأقوى ولا انصحك فيه.

اما اذا حسيت بالخوف..من اي شي كان صغير أم كبير..اي مسأله بحياتك سببت لك خوف..فالدعاء الخفي بينك وبين ربك.."اللهم آمنا من كل خوف" سوف يشعرك بالأمان..لأنك عارف ان ربك معاك ..وانه بيحميك طول الوقت.

اتمنى لكم وادعي ربي يملأ حياتي وحياتكم بالسعاده والأمان والحب للأبد...

_______________________________________

الحياه حلوه للأبد

وش اللي تغير؟!

لمحتك ولا ادري من لمحت؟

انت ولا انسان ثاني؟

مافز قلبي يوم لمحتك..

ولا فرحت!!

كان الحزن يملاني؟

وش اللي تغير؟

ما ادري مين ذاك الانسان اللي لمحته...هو انت انت؟ ولا احد ثاني؟

نظراته..وابتسامته..وطريقة تصرفاته..ماتشبهك!!

مدري هو انت بس انك تغيرت؟ او ان الزمن غيرك؟ او ان الزمن بحد ذاته متغير!!

او يمكن انا اللي تغيرت..!

وش اللي تغير؟!

خاطرتي: يارب على خير تمضي أيامي

يارب على خير تمضي أيامي..

وساعدني اكون انسانة صالحة..

يارب ساعدني أبر في أمي وأبوي..

حتى أبوي اللي خلاني..

يارب على خير تمضي أيامي..

يارب على خير تمضي أيامي..

بدون ألم أكبر من آلامي..

بدون أجرح أحد أو أحد يجرحني..

بدون ما اشوف دمعة بعيون أحبابي..

بدون ما أندم..

يارب على خير تمضي أيامي..

وتساعدني أشكرك على كل ما وهبتني..

وعلى طيبتك معي رغم تقصيري..

وتساعدني أنجح في حياتي..

وأؤدي كامل واجباتي..

بالوجه اللي يرضيك ويرضيني..

يارب على خير تمضي أيامي..

وأعيش باقي سنيني في سعادة..

وأكون مصدر سعادة لغيري..

يارب على خير تمضي أيامي..

يارب على خير تمضي أيامي..

بدون أحزان أكثر..بدون خوف أكثر..بدون ذنوب أكبر..

خليها يارب تمضي على خير.