بسم الله الرحمن الرحيم اول شي
مررره متحمسه انا لهالسنة لدرجه اني من اول يوم مسكت قلم وورقه ويلا كتبت لكم كل امنياتي اللي اتمنى انها تتحقق هالسنة!عاد بعضها مررره سخيف بس الشكوى لله نفسي متقطعه عليها خخخ وبعضها لا والله جديه شوي..عاد كنت متحمسه اكثثثر اني أطبق حركة يامابي هو واخوياه في مسلسل "مشروع زواج" لمن كانوا يطلعون السطح سوا بوقت الفجر عشان يتابعون شروق شمس السنة الجديدة خخخخ يعني متحمسين مره وحمسوني معاهم.عاد المهم اني ماقدرت اسويها بسبب التردد اللي جاني وهلي وش بيقولون عن بنتهم تطلع السطوح توالي الليول هههههههههههه >>> نتيجة الحماس مع المسلسلات اليابانية!
المهم بحط هنا المختصر المفيد من قائمتي الطويلة العريضه لأمنيات وأهداف عام 2009 وان شا الله في اخر السنة ارجع اكتب موضوع أعلق فيه على آخر الاخبار واقول لكم اذا تحققت امنياتي والا لا:
1) الهدف الاول اني أثبت على وزني لا ازيد ولا انقص خخخخ >>انواع القلق يعني لازم تكتبين؟ ذابحها الصدق خخخخ
2) الهدف الثاني اني انتهي من تصليح اسناني بنهاية هذا العام وأفتك تماما منها >>> حشا والله لو تصليح بنشر
3) الهدف الثالث اني أحافظ على معدلي في الجامعه ولا ينزل مستواي هالترم ولا الترم الجاي ان شا الله >>>الله يستر بس من الطموح الزايد.
4)الهدف الرابع ماشا الله حققته في اول اسبوع من هذا العام الجديد !! وهو اني اسوي "بلوغ" موقع اكتب فيه كتابات واعبر فيه عن افكاري والحمدلله تحقق.
5) اني ألتحق بدار تحفيظ القران ..مررة ودي أصير حافظة لكتاب الله وملمة بالتفسير والحديث >>>الله يسهل ان شا الله
6) طبعا هذه المجموعه من "الاحلام" خيالية بعض الشيء بس مافي شي مستحيل على ربي:
*ازور اليابان او كوريا خلال هذا العام
*أسلم على" يامابي" وأصور معاه واقول له اني احبه مره واني ودي انه يدخل في الاسلام خخخ>> لاحوووول
*وأسلم على "لي جون كي" الي بكوريا واصور معاه واقول له اني احبه مره واني ودي انه يدخل في الاسلام >>ماشا الله قلبها كبير
* أتـــــــــــــــــزوج هذا الصيف >>>خخخخخ هماني قايله احلام خياليه ؟
______________________________________________
إلى صديقاتي وأهلي وأحبابي اتمنى لكم سنة حلوة كلها خير وسعاده وبركة ....واتمنى كل احلامكم وامانيكم واهدافكم تتحقق زي ماتبون وأحسن !! اتمنى هالسنة تكون أحسن من اللي قبلها ان شا الله !!
واتمنى ربي ينصر فلسطين وينقذ عباده المسلمين هناك..ويسامحنا على التقصير!
وكل عام وانتم بخير
3 comments:
نووووووفي ألف ألف ألف مبروك على تحقيقك لأول أهدافك.....
الله يسهل عليك ويحقق الباقي بغمضه عين بس انتي لا تقطعين الأمل أبدا
أحبك يافتااااااااااااااااااااااة
حصه
كل عام وانتي بخير
ان شاء الله سنه حلوه لك وان شاء الله تتحقق امانيك
ويارب ينصر فلسطين
الله يوفقك دنيا واخره :)
احبك نوفه
منيره
هههههههه حلوه متحمسه للعام الجديد بقوه..
والله انامافرقت معي..
المهم اشوفك تأثرتي من جد بها المسلسلات
والله ما الومك حركتهم حلوه حسيت وناسه كذا رايقين يشوفون شروق السنه الجديده المشكله مدري وين الفرق هههههههه
وبصراحه اعجبتني الامنيات بس اقسم بالله ضحكتني الامنيات الخياليه شي صراحه اما ياهي قويه يدخل بالاسلام هههههه.. ربي قادر على كل شي ..
الله يسمع منك ويدخلون بالاسلام واذا رحتي مري على ريو علشاني خخخخخخخخ
وان شاء الله تتحقق كل امنياتك حتى الخياليه ..
كل عام وانتي بخير متاحرا خخخـ
مروم..^_~.
Post a Comment